Inicio > Cultura sidrera > Taller d’echar sidre en La Montera Picona esti 19 de payares

Taller d’echar sidre en La Montera Picona esti 19 de payares

Taller d’echar sidre en La Montera Picona de Xixón, el 19 de payares, de 19:30 a 21:00 hores. Preciu: 10 euros.

Wilkin Aquiles, Laura Ovín y Alejandra Vanegas van impartir una nueva sesión esti xueves, de 19:30 a 21:00 hores, na sidrería de Xixón. La participación cuesta 10 euros.

LA SIDRA.— La sidrería La Montera Picona de Ramón, na cai Saavedra, 3, en Xixón, acueye esti xueves 19 de payares de 2026 un nuevu taller d’echar sidre. La convocatoria, entamada pola Fundación Asturies XXI y la propia sidrería, da continuidá a una actividá periódica dedicada a tresmitir los conocimientos y la práutica del echáu.

El taller va celebrase de 19:30 a 21:00 hores y tien un preciu de 10 euros. El cartelu anima a formar parte de la tradición sidrera asturiana cola ayuda de trés profesionales: Wilkin Aquiles, Laura Ovín y Alejandra Vanegas.

Aprender y perfeccionar el echáu

Esta propuesta forma parte de la programación habitual de talleres de La Montera Picona, dirixida tanto a persones que quieren dar los primeros pasos como a quien busca meyorar la so téunica. Les sesiones combinen esplicaciones y exercicios pa trabayar la postura, la colocación de la botella y del vasu y el control del chorru.

La iniciativa celebró en xunetu’l so taller númberu 50, una muestra de la continuidá d’esti llabor formativu. El so equipu reúne esperiencia na enseñanza y na competición: Wilkin Aquiles vien de ganar el concursu d’echaores de Les Arriondes, celebráu’l 8 de payares.

Información ya inscripciones

Pa participar o consultar cualquier dulda, les persones interesaes pueden contactar colos entamadores al traviés del teléfonu o WhatsApp 652 594 983 o del corréu electrónicu adlasidra@gmail.com.

Una nueva oportunidá p’averase a la cultura del echáu de sidre, compartir conocimientos y practicar de la mano de profesionales.

Cartelu del taller d’echar sidre en La Montera Picona del 19 de payares de 2026: de 19:30 a 21:00 hores, 10 euros.
Taller d’echar sidre: xueves 19 de payares, de 19:30 a 21:00 hores, en La Montera Picona de Ramón.
(Visited 3.680.137 times)
Redacción LA SIDRA
Redacción de LA SIDRA, revista especializada na cultura de la sidre. Publicamos noticies y reportaxes sobre llagares, gastronomía y actualidá sidrera asturiana y internacional.
https://www.lasidra.net