La mazana asturiana, protagonista

Esti añu va haber una de les meyores colleches de los postreros tiempos.

LA SIDRA.-Ye dómina de recoyía de mazanes y esti añu preséntase como un de los meyores tocantes a calidá y cantidá. Les condiciones climatolóxiques favorecieron el so xorrecimientu y maduración, dando llugar a una espectacular “collechona”. Esto tamién ye debío al fenómenu conocíu como vecería, qu’anicia que los años impares la collecha de mazana n’Asturies seya mayor.

El llagar Trabanco, cuya produición provien casi na so totalidá de mazana asturiano, prepárase pa un gran trabayu que va durar fasta primeros d’avientu. Dempués de realizar analís y escoyer a mano los frutos, utilícense prenses tradicionales de maera que, anque traen un procesu más lentu, producen una sidre de gran calidá.

Villaviciosa y Gascona premiaron nos sos concursos esti añu a Sidre Trabanco como “meyor sidre”, siendo ésta bien apreciada tanto por profesionales como consumidores.