Carús, saborgos d’Asturies en Madrid

Depués de 30 años en Colunga (Asturies), Paco Fernández Ampudia treslladó’l so saber culinariu a Madrid en 2015 con un apueste por llevar la cocina asturiana fuera de les nueses llendes.

Prebemos los sos platos estrella, entamando por “la Fabulosa fabada de Carús”, ellaborada con fabes asturianes, mantegoses, que se desfaen na boca ya’l caldu espesín, de collor anaranxáu intensu.

Seguimos cola espectacular tortiella de compangu, non mui fecha pa que tea xugosina, una receta non mui estendida pero que ye puru saborgor. Continuamos con un cachopu de los de concursu, rebozu turriaín pero xugosu, quesu desllíu y carne al puntu. De postre, arroz con llechi al estilu asturianu.

Too ello rematao con unes botelles de Sidra Natural Sueve, del Llagar Crespo, por caltener el venceyu cola so Colunga natal… eso sí, ensin disponer d’escanciador humanu, que si son difíciles de contratar n’Asturies, en Madrid nun te digo.

A destacar tamién el bon tratu y l’atención, nun llocal avezáu a recibir personaxes famosos conquistaos pola so cocina. Imprescindible reservar mesa con antelación.

Carús Casa de Comidas- Av. de la Casa Quemada 1 – Madrid t. 916 21 62 72