Saliendo apenes de la cuesta xineru, y col horizón esperanzador de la fin de les restriciones sanitaries aplicaes na hosteleria, el mes de marzu preséntase coles meyores espeutatives sidreres en munchu tiempu.
Tantu ye asina que pa esta selmana santa ta previsto cellebrar la que ye la naguración de la temporada sidrera asturiana: la Primer Sidre L’Añu –PSLA-, eventu referencial del panorama sidreru asturianu que nos dos postreros años nun pudo cellebrase con normalidá, pero que nesta décimu segunda edición preséntase cola voluntá de recuperar el tiempu perdíu.
Habra entós concursu de la Meyor Primer Sidre L’Añu, que va ser la oficial nesta XII PSLA; va cellebrase l’Asturianada y Sidre’, torna’l míticu ‘Sidracrucis’ y convócase’l ‘Concursu de Sidre Casero fecho en maera’. Too ello nel impresionante escenariu del Muséu del Pueblu d’Asturies, onde nun va faltar sidre, parrilla, y arruelu: música asturiana, xuegos y esportes tradicionales, actividaes pa los neños…
Reactívase’l mundiu sidreru, y esta XII PSLA va ser un estupendu puntu d’arranque. Pero hai más, muncho más. Tenemos que felicitar de nueu a la DOP Sidre d’Asturies, nesta ocasión pol so apueste de futuru al incorporar la teunoloxía blockchain a los sos llagares; a Salenor’22 pol ésitu de la so convocatoria, na que la sidre tuvo una significativa presencia; festeyar a los Siceratores, qu’esti añu anuncien la progresiva recuperanza de les sos actividaes; allegramos pol nivel de participación tan altu nel Concursu Semeyes LA SIDRA que remata esti mes, y saludar tamién al Clú de LA SIDRA, que s’afita como proyeutu d’algame, col entamu de trés eventos mensuales que van faer les delicies de los amantes de la sidre, y qu’acaba nagurar un sistema d’información per whatsapp, llibre y gratuitu, que va permitir tar al díi de toles convocatories sidreres que se rialicen.
Atrópense les bones noticies nel momentu en que la sidre nuevo ta a puntu corchar -y tou paez indicar que va ser d’estupenda calidá- y pasu ente pasu vemos cómo va reactivándose la sociedá, cómo sidreríes y merenderos recuperen la so actividá al mesmu tiempu que s’escomiencen anunciar les flores nos pumares, la primavera que yá llega. ¡Agora sí!
Para ofrecer las mejores experiencias, utilizamos tecnologías como las cookies para almacenar y/o acceder a la información del dispositivo. El consentimiento de estas tecnologías nos permitirá procesar datos como el comportamiento de navegación o las identificaciones únicas en este sitio. No consentir o retirar el consentimiento, puede afectar negativamente a ciertas características y funciones.
Funcional
Sempre ativo
El almacenamiento o acceso técnico es estrictamente necesario para el propósito legítimo de permitir el uso de un servicio específico explícitamente solicitado por el abonado o usuario, o con el único propósito de llevar a cabo la transmisión de una comunicación a través de una red de comunicaciones electrónicas.
Preferencias
El almacenamiento o acceso técnico es necesario para la finalidad legítima de almacenar preferencias no solicitadas por el abonado o usuario.
Estadísticas
El almacenamiento o acceso técnico que es utilizado exclusivamente con fines estadísticos.El almacenamiento o acceso técnico que se utiliza exclusivamente con fines estadísticos anónimos. Sin un requerimiento, el cumplimiento voluntario por parte de tu proveedor de servicios de Internet, o los registros adicionales de un tercero, la información almacenada o recuperada sólo para este propósito no se puede utilizar para identificarte.
Marketing
El almacenamiento o acceso técnico es necesario para crear perfiles de usuario para enviar publicidad, o para rastrear al usuario en una web o en varias web con fines de marketing similares.
Entamu
