Dientru les cellebraciones del Díi Internacional de la Mazana, la villa maliaya va ser escenariu’l prósimu domingu 19 d’ochobre de la VIII edición de la final del concursu Seleición de la Meyor Sidre Casero d’Asturies – Premios Mundo Collada 2025.
LA SIDRA.- L’actu entamará a les 12:00 hores na Plaza’l Güevu de Villaviciosa, con una preba popular de sidre casero que va acompañar la entrega de premios y la clausura del certame.
Oríxenes y organización
Esti concursu lleva’l nome del enólogu maliayés Mundo Collada, gran defensor de la sidre y del mundiu rural asturianu. La cita ta entamada pola Asociación de Fomento de la Sidra Tradicional Asturiana, col sofitu del Ayuntamientu Villaviciosa, y la Contorna la Sidre.
La presentación oficial fízose nel Salón de Plenos del Conceyu, cola participación del alcalde Alejandro Vega Riego, la conceyala de Desencolcu Llocal Rocío Vega Martínez, y los representantes de la asociación Óscar Flórez y Javier Antuña.
Fases del concursu y desencolcu
La final ta precedida por una ronda eliminatoria que se va cellebrar el xueves 16 d’ochobre, a les 20:00 hores, na Sidrería La Ballera, tamién en Villaviciosa.
Los participantes tuvieron que entregar dos caxes de sidre y seyes botelles los díis 10, 11 y 12 d’ochobre, nel llocal de la organización. La gran final y la preba popular cellebraránse’l domingu 19 d’ochobre, como actividá de zarru del certame sidreru.
Espérase la participación d’unos cincuenta llagares asturianos, procedentes de conceyos como Casu, Colunga, Xixón, Gozón, Llangréu, Llanes, Mieres, Nava, Onís, Parres, Piloña, Ribeseya, Salas, Sariegu, Siero y Villaviciosa, amás d’otros conceyos ensin concursu llocal propiu.
Premios y reconocimientos
Los premios d’esta edición yá fueron presentaos oficialmente:
- Primer premiu: troféu, diploma, 20 pumares francos de dos años y 2.500 corchos.
- Segundu premiu: troféu, diploma, 15 pumares francos y una descorchadora.
- Tercer premiu: troféu, diploma y 10 pumares francos.
- Del 4.º al 12.º puestu: troféu y diploma.
El troféu foi diseñáu pol artista maliayés Pablo Maojo, y el llema del cartelu oficial d’esta edición ye “L’arte de facer Sidre Natural”, n’ homenaxe a la cultura sidrera asturiana.
Ganadores d’ediciones anteriores
Na edición anterior, el vencedor foi José Llera, del llagar La Canella (Piloña), siguíu de Portali Solares (Fuentes, Villaviciosa) y Jorge Ceñal (Fano, Xixón).
