La fabada d’El Pintu ye una d’eses preparaciones que definen a un restaurador. Nel so pucheru impónse lo esencial: fabes mantegoses, caldu escuru y brillosu y un compangu que raspia lo desaxerao.
Namás con veles —morcielles prietes y tenses, cachos de panceta y tocín bien curáu, chorizu de primera— ñáguase col anunciu d’un guisu de los que dexen memoria.
Les fabes, de lo meyor de la granxa, apaecen enteres pero deslíense na boca como mantega, el caldu ye intensu, fondón, envolvente, con esi puntín de xelatina natural que namás se llogra cuando’l compangu ye de primer nivel y se cocina ensin priesa.
Acompangámosla con Prau Monga Brut Nature, de Viuda de Angelón, el contrapuntu perfeutu pa facer destacar entá más la potencia de la fabada.
EL PINTU- Llibertá 11, 33989 La Pola Llaviana, Asturies T. 985 79 29 32
