Va Tener llugar esti domingu 25 de mayu nel Campu la Ilesia
LA SIDRA.- Con esta cuarta edición, la collación sierense de Muñó consolídase como un referente de la sidre casero, ufiertando a vecinos y visitantes la posibilidá d’esfrutar de la sidre que s’ellabora na collación, ente les 12:30 y les 15:00 hores, na carpa asitiada nel Campu la Ilesia de Muño.
Dende l’asociación vecinal Escueles de Muñó, Vidal González, afirma que “de lo que se trata ye de facer que la tradición nun s’esanicie”. Pero ye más, los vecinos non solo apurren la sidra, sinón que van convidar a los asitentes a tortiella y empanada, por que la bona sidre casero nun los atope col estómadu vacíu.
P’animar l’eventu, va cuntar con ‘Los Xanísinos’, y si l’añu pasáu participaron 8 ellaboradores de la collación -o con raigaños nella- esti añu espérase superar esta cifra.
Per otra parte, nos llocales de la vecina escuela podrá visitase la esposición de semeyes “Paxarinos”, una colleición de semeyes cedíes por Lourdes Rodríguez.
