La dimensión social de la sidra sigue siendo ún de los sos mayores valores. Chigres, espiches, fiestes y alcuentros populares continúen funcionando como espacios de convivencia onde se comparten costumes, memoria y identidá colectiva.
La mesma publicación presentada pola Fundación Asturies XXI recuerda que la cultura sidrera ye ún de los ámbitos onde meyor se caltién la llingua asturiana, con un vocabulariu propiu que sigue vivu ente xeneraciones. La espublización cunta col sofitu de la Conseyería de Cultura, Política Llingüística y Deporte.
El ritual del culín, l’arte d’echar sidra y la sociabilidá que se xenera alredor d’una botella formen parte d’un patrimoniu que nun ta nos museos, sinón na vida diaria.
Col impulsu del reconocimientu UNESCO, medren tamién les iniciatives divulgatives, educatives y formatives que busquen tresmitir esti legáu a les xeneraciones nueves. La cultura sidrera confirma asina la so plena actualidá.
