Esti mes los nuesos suscriptores viéronse sosprendíos por l’orixinal sobre nel que-yos aportaron les revistes
Gracies al sofitu económicu de la Conseyería de Cultura, Política Llingüística y Deporte, la revista LA SIDRA unvíase con un orixinal sobre nel que, arriendes de los datos propios del suscriptor y el franquéu postal, figura la declaración pola UNESCO de la Cultura Asturiana de la Sidre como Padremuñu Cultural Inmaterial de la Humanidá.
El sobre tamién cunta con dos QRs específicos,el primeru de los cualos -nel anversu- coneuta coles ediciones dixiltales de la revista LA SIDRA y el segundu -reversu- remite a una microweb de lasidra.net onde se desplica esti reconocimientu de la UNESCO.
Arriendes d’ello esti mes, los sucriptores tamién recibieron xunto la revista LA SIDRA, el llibru ¿Qué ye la Cultura Asturiana de la Sidre? espublización de la Fundación Asturies XXI, tamién con sofitu de la Conseyería de Cultura, Política Llingüística y Deporte del Principáu d’Asturies.
