Vienres tardi, branu, Xixón, nun teniendo reservada mesa nuna sidrería conocía comu esta, a un pasu de San Llorienzu y del Parque Isabel La Católica, nun mos quedó otra que quedar na barra a picar dalguna de les munches y bien prestoses raciones qu’ufren en la Sidrería El Tendido.
Anque quedemos coles ganes de prebar les sos carnes, de les que teníemos perbones referencies, el revueltu de gules y los chipirones afogaos que compartimos pagaron la pena y acompañaron perbien les botelles de Sidra Contrueces que foron cayendo mientres esfrutábemos del bon ambiente y de l’atención de los profesionales camareros que, ensin agobiar tampocu, nun dexaron que pasáremos sede nin un menutu.
Una opción cien por cien d’encamentar tanto pa comer en mesa o en terraza comu pa facer un pocu de barra, que yá entama a echase en falta en dellos chigres.
SIDRERÍA EL TENDIDO – PINTOR MAROLA 15 – XIXÓN T.985 39 85 97
