La cabera muyer que ganó un concursu d’Echadores en Nava foi Loreto García, na edición de 2009 del XXXII Concursu Internacional d’Echadores. Impuxérase dempués de competir con ventisiete participantes y llogró la victoria empatando cola tricampeona Susana Ovín.
Hasta ayeri, cuando Melisa Bellón xubió al escenariu del Muséu de la Sidra d’Asturies p’arrasar con una impresionante actuación que la llevó del quincuagésimu quintu puestu de la categoría xeneral al primer puestu en Nava.
LA SIDRA.- la escanciadora de Tierra Astur protagonizó una de les grandes sorpreses del Día d’Asturies al imponese na cuna del escanciáu frente a un cartelu cargáu de referentes. Bellón dexó atrás a mitos de la disciplina como Salvador Ondó (Tierra Astur), Wilkin Aquiles (La Montera Picona), Jorge Vargas (La Montera Picona) y Jonathan Trabanco (Los Portales de Xaminón), que completaron la clasificación del segundu al quintu puestu.
Con esti trunfu, Bellón nun solo se convierte na primer muyer en 16 años en ganar en Nava, sinón que tamién revitaliza la presencia femenina nel campeonatu, onde los caberos años la presencia femenina torna ser fuerte, con figures comu Isabella Padrún y Alejandra Venegas.
