El Clú Sierense d’Amigos de la Mazana -CSAM- entama un Cursu de frada d’iviernu del pumar, que va cellebrase los díes vienres 20 y sábadu 21 de febreru, col envís de reforzar la formación teórica y práutica nuna llabor fundamental pal bon desendolcu del pumar y la calidá de la producción.
LA SIDRA.- La xornada teórica va tener llugar el vienres 20 de febreru a les 16:30 hores, na sala de xuntes del mercáu de ganáu de La Pola Siero. Va tar impartida por téunicos de Campoastur y va centrase nos fundamentos de la frada del pumar: tipos de frada, momentos afayadizos, criterios de corte, equilibriu ente rixu y producción del árbol, amás de los erros más avezaos.
El cursu cuenta col patrociniu de Caja Rural de Asturias, dientro del so compromisu cola formación y el sofitu al sector agroganaderu asturianu.
La parte práutica va cellebrase’+l sábadu 21 de febreru dende les 10:00 hores, nes instalaciones d’El Cuitu. Ellí, les persones asistentes van poder poner en práutica los conocimientos alquiríos, realizando la frada en pumares y aclarando dubies direutamente nel campu col personal téunicu.
Al rematar la xornada, va ofrecese un pequeñu picoteu, como zarru del cursu y espaciu de convivencia ente socios.
