Tener sidre na carta nun ye suficiente. El serviciu, l’echar, la temperatura, la conversación y la propia relación social formen parte d’un modelu de chigre cada vegada más difícil d’atopar.
LA SIDRA.- ¿Qué fai que podamos llamar chigre a un establecimientu?
La respuesta nun ta solamente na bebida.
Un bar puede vender sidre ensin funcionar necesariamente como un chigre tradicional. Los reportaxes de LA SIDRA sobre establecimientos como Casa Arturo, en Piedras Blancas, o sobre espacios históricos como La Silla del Rey, n’Uviéu, permiten identificar dellos elementos compartíos.
El primeru ye’l serviciu.
La sidre nun se trata como una botella más. La temperatura, la conservación y la manera d’echala formen parte de la experiencia.
El segundu ye la figura del camareru o chigreru. Cuando ye él quien s’avera a echar un culín, el serviciu crea inevitablemente un momentu de relación col veceru.
El tercer elementu ye social.
El chigre ye un espaciu onde se bebe, pero tamién onde se fala, se comenta, se canta, se discute de fútbol o se sigue la vida del barriu.
La Silla del Rey permaneció más de cuatro décades venceyada a esi modelu tradicional: sidre echada, barra enllena de botelles y una vecería construyida a lo llargo de xeneraciones.
Nun existe una fórmula matemática que determine onde termina un bar y entama un chigre.
Pero sí hai una cultura de serviciu y de convivencia que permite reconocer la diferencia.
Y precisamente esos elementos cotidianos son una parte esencial de la Cultura Asturiana de la Sidra.
Llectures rellacionaes
- Si nun echen sidre, ¿ye un chigre?
- El chigre: cuando la norma nun s’aplica
- El llibru de la cultura sidrera
- Casa Vila, un chigre-tienda del sieglu XXI
- LA SIDRA 269
