Nueve sidres, una mesa: la tastia del SISGA en La Naveta

La tastia del SISGA en La Naveta foi un ésitu. La participación del públicu y los contrastes ente les nueve sidres marcaron la sesión guiada por Xuaquín Menéndez.

LA SIDRA. El 12 de payares, La Naveta xuntó en Nava nueve sidres de ocho procedencies. Xuaquín Menéndez, especialista en sumillería de sidre, guió una sesión mui participativa. Cada copa daba pie a comentar lo que se percibía y a comparar impresiones cola anterior.

El bon llabor organizativu ayudó a crear un ambiente nel que la xente se sintió a gustu pa intervenir. Nesi llabor destacó Ana Emilia Orddóñez, propietaria de La Naveta y anfitriona de la xornada. La so acoyida dio a la sesión el calter cercanu d’un alcuentru de chigre. Ente copa y copa, les esplicaciones de Xuaquín Menéndez dieron pie a entrugues y comentarios.

El recorríu empezó en Letonia con una sidre ensin alcohol. La seca de Finlandia marcó un contraste inmediatu. Cola semiseca letona volvió la pregunta de cómo cambia la percepción de la mazana cuando camuda l’equilibriu ente dulzor y acidez.

La reineta de Gran Canaria y la Gunma Meigetsu de Xapón dieron pie a comparar dos maneres de dar protagonismu a la mazana. Dempués llegaron dos de les propuestes más sorprendentes, una sidre con ñisu de los Países Baxos y otra con guinda de Polonia.

La canadiense Annapolis Spy Imperial cerró la selección con más cuerpu y notes de madera. Ente la primera copa y la última hubo bien de qué falar, dende’l papel de la burbuya hasta’l rastro que dexa la fruta dempués de cada tragu.

La iniciativa esparde’l conocimientu de les sidres internacionales del SISGA. Probar les sidres na mesma sesión ayuda a reconocer qué aporta cada variedá de mazana, cómo cambia’l perfil col ñisu o la guinda y cómo se percibe l’acidez nuna sidre seca y nuna más dulce. La actividá contribúi al financiamientu de la Cofradía de los Siceratores.

Convocatoria de la tastia en La Naveta

Galería de semeyes