Concursu de la Sidre de Sariegu

32 llagareros sareganos participaren nesta XIX edición.

Sariegu cellebró’l pasáu 16 de xunetu otru añu más el so XIX Concursu de Sidre Casero. Ye’l más antiguu de cuantos se cellebren n’Asturies y esti añu cuntó cola presencia como xuráu de Gumersindo Martínez, de la sidrería La Figar, de Nava;  Severino Cueva, de la sidrería Villaviciosa, d’Uviéu; y los representantes llocales José Antonio Peña y José Ramón Pérez. El vieyu conocíu nel mundiu de les tasties, Maximino Villarrica presidió’l xuráu encargáu d’escoyer al ganador d’ente los 32 participantes.