Inicio > Cultura sidrera > Deva acueye la presentación d’un manual d’ellaboración de sidre artesano

Deva acueye la presentación d’un manual d’ellaboración de sidre artesano

Cartel de la presentación del manual de sidre artesano de Ricardo García Castañón en Deva

Ricardo García Castañón presenta esti sábadu 21 de payares, a les 12:30, nes Antigües Escueles de Deva (Xixón), una guía pa facer sidre casero. Va acompañalu Tino Vázquez Fernández, «Tino el de sidra Panizales».

De la escoyeta de la mazana al embotelláu, el Manual de elaboración artesanal de sidras y aguardiente de sidra recorre los pasos del trabayu nun llagar caseru. El llibru, publicáu por Ediciones Trea, dedica 192 páxines al mayáu, la fermentación, el trasiegu y los controles del procesu. Inclúi un apartáu sobre l’aguardiente de sidre.

García Castañón aprendió a facer sidre en casa, en Fistietxa (Ayer), y sigue ellaborándola nel so llagar de Deva. Profesor xubiláu de la Universidá d’Uviéu y miembru de la directiva d’El Culete Moyáu, recueye nel manual años de práutica na ellaboración de sidre casero.

La Asociación Vecinal Peñafrancia de Deva y Ediciones Trea organicen la presentación, na sede vecinal de les Antigües Escueles, na carretera del Pedroco, 56.

(Visited 3.681.067 times)
Redacción LA SIDRA
Redacción de LA SIDRA, revista especializada na cultura de la sidre. Publicamos noticies y reportaxes sobre llagares, gastronomía y actualidá sidrera asturiana y internacional.
https://www.lasidra.net