Casa Lúpulo, como’l so nome dexa bien nidio, ye un llocal dedicáu cásique dende’l too a la cerveza artesanal, con selce grifos en rotación onde s’alternen propuestes nacionales ya internacionales. Sicasí, ente tanta diversidá cervecera hai una esceición llamativa: un grifu fixu reserváu pa Exner Cider.
LA SIDRA.- Belén Álvarez, encargada del llocal, esplica que “normalmente véndese sola, ensin necesidá de recomendala, pero tamién la ufiertamos a quien reconoz que la cerveza nun-y cuaca y vien guetando daqué diferente”.
La introducción de la sidre nun espaciu tan marcáu pola cultura cervecera nun foi casual. Dexaren de sirvir otra marca de sidre cuandu conocieron Exner gracies a un veceru habitual que-yos faló del proyeutu y animólos a probala. Dende’l primer contautu, la curiosidá convirtióse n’entusiasmu. “Paeciómos una propuesta distinta, mui curiada; ye una sidre más elegante al gustu qu’otres”, comenta la encargada.
Dende entós, Exner Cider -gallardonada con Premium nel SISGA’25- ganó un espaciu propiu ente la clientela del llocal, ufiertando una alternativa a les cerveces: suave y arumática, ensin renunciar al espíritu craft que define’l espaciu.
Exner encaxa de mou natural en Casa Lúpulo, un llugar onde la curiosidá y el gustu polos productos bien fechos formen parte esencial de la so identidá.
Casa Lúpulo. La Mercé. Xixón T. 611 43 36 60
