Cuando’l centollu ye de temporada y vien de bona man, nun fai falta adornalu. Lo que llegó a la mesa yera un exemplar gurdiu, con pata gruesa y carne abonda, sirvíu ensin camuflaxe: recién cocíu, ensin más compangu que’l so propiu prestu y al que, un poco por viciu, amestamos un chorrín de sidre, JR, como nun pue ser d’otra miente nesta elegante sidrería xixonesa.
El saborgu, intensu, saláu de mar, d’esos que se funden enllenando’l cielu la boca. La carne de les pates, blanca, prieta y xugosa, salía fácil y entero, demostrando que’l centollu yera frescu y nel so puntu xustu de coción. Nin pasáu, nin duru. Un equilibriu delicáu que non tolos sitios saben respetar.
Centollu como tien de ser: frescu, auténticu y tratáu con respeutu. Una folixa pa los sentidos y un homenaxe al Cantábricu que rematamos tomando unes caciplaes de sidre (JR) pel carru, comu manda la tradición playa.
Sidrería Casa Ataulfo. Cabrales 29. Xixón T. 985 34 07 87
