Navia cellebra esti sábadu la XXIII edición del Festival de la Sidre con echaores, degustaciones y música fasta l’alborecer
Navia cellebra esti sábadu la XXIII edición del Festival de la Sidre con echaores, degustaciones y música fasta l’alborecerLa villa de Navia ta preparada p’acoyer esti sábadu, 2 d’agostu, una nueva edición del so tradicional Festival de la Sidra Villa de Navia, que llega nesta ocasión a la so vixésimu tercer edición. L’eventu, con escenariu na dársena del puertu, ufierta una combinación única de cultura, tradición y ambiente festivo, col papel central de la sidre natural asturiana.
La cita clelébrase, amás, n’un añu especialmente importante pa la cultura del país, dempués de que la cultura sidrera asturiana fuera reconocía pola UNESCO como Padremuñu Cultural Inmaterial de la Humanidá.
La programación va entamar a les 17:00 hores, cola apertura del recintu y el principiu de la degustación gratuita de sidre -tres mercar el vasu, como davezu- e. A les 17:30 hores va dar empiezu’l XXXII Campeonatu Oficial d’Escanciadores, puntuable pal Campeonatu d’Asturies, onde se va valorar la téunica, l’estilu y la precisión de los participantes.
La entrega de premios ta prevista pa les 20:30 hores, y darréu va arrancar la “Party Night Sidres”, una fiesta temática Remember 90s col DJ Alejandro Martínez, que va actuarde magar les 21:30 hores na esplanada del puertu. L’actividá va durar fasta media nueche.
La entrada ye gratuita y la organización espera una participación alta, especialmente si’l tiempu acompaña. L’eventu consolidóse como una de les cites del branu nel ocidente d’Asturies, y yá se presentó una propuesta pa que se declare Fiesta d’Interés Turísticu Rexonal.
Programa oficial del Festival de la Sidre de Navia
Sábadu, 2 d’agostu
-
17:00 h – Apertura del recintu y degustación gratuito de sidre
-
17:30 h – XXXII Campeonatu Oficial d’Echaroes
-
20:30 h – Entrega premios
-
21:30 h – Party Night Sidres con DJ Alejandro Martínez
-
00:00 h – Presllede la xornada festiva
