Onde comer bono y -tan- barato nun ye fácil de topar. Por namás 6 € la Sidrería L’Espantayu ufre un ‘menú popular’ que nel día que fuimos taba compuestu d’un xenerosu platu de llenteyes de primeru, espeses,
Saborguioses y bien guisaes, con esi puntu caseru que reconforta dende la primer cuyarada. Un platu ensin floritures, pero honráu y cumpliendo a la perfeición lo que promete: tradición y gustu.
De segundu, sorprenden unes albóndigues rellenes de quesu, tienres, xugoses y con un coral fundente que-yos da personalidá.
Vienen acompañaes d’arroz al estilu chinu y d’una ensalada mista que compensa la contundencia de la carne con notes llixeres y cruixentes. El conxuntu resulta equilibráu, sanu, y fartuca.
Magar la sidre, que tienen de Villacubera, la DOP de Sidra Cortina, nun entra nel menú, paga la pena pidila a parte.
En resume: el ‘Menú popular’ de LEspantayu, baratu, caseru y bien executáu, demuestra que nun fai falta gastar muncho pa comer bien, como en casa.
Cien por cien d’encamentar.
CHIGRE L’ESPANTAYU. Martinez Vigil 1 – Llugones – Siero t. 604 89 48 25
