L’Alcaldesa de Valdivia confirma’l so interés en que la ciudá forme parte de Cider Cities nel so discursu na ceremonia d’inauguración de la Fiesta de la Manzana y la Sidra de Valdivia
La ciudá chilena de Valdivia, descrita pol naturalista británicu Charles Darwin como “la única nel mundiu ensiertada nuna Viesca pumares” acoyó ente’l 17 ya’l 19 d’abril la tercer edición de la la Fiesta de la Manzana y la Sidra, na que nuevamente tuvo representada la sidre asturiana, nesta ocasión cola participación de Xuacu Menéndez como xuráu na I Copa Internacional de la Sidra Valdivia, Los Rios.
Demientres la so estancia na ciudá, Menéndez realizó xestiones pa ufrir a les autoridades valdivianes la oportunidá d’integrar a Valdivia na Rede de Ciudaes de la Sidra, Cider Cities. Esta propuesta alcontró una rempuesta positiva por parte de la propia alcaldesa, Carla Amtmann, que nel discursu d’inauguración del evento mencionó específicamente’l so interés en que Valdivia forme parte de Cider Cities.
Esti posicionamientu abre una relevante vía de collaboración col país sudamericanu, que podría convertise darréu nel primeru al otru lláu de la mar en cuntar con una ciudá ensiertada na rede de ciudades sidreres.
Rememebramos qu’hai tamién fechos contautos con importantes ciudaes sidreres de Norteamérica, qu’entá nun se concretaron n’incorporaciones oficiales.
