La pasada fin de selmana, el llagareru de sidre casero José Llera, impartió a otros 16 llagareros de Salas un taller pa deprender a valorar una sidra
LA SIDRA.- Esti ye’l segundu cursu formativu qu’entama l’Asociación de Sidre Casero de Salas, colleutivu, aniciáu l’añu pasáu y que yá cuenta con más de mediu centenar d’asociaos, y entamaor asina mesmo del concursud e Sidre Casero Fecho en Madera d’esti 2025 y meyor sidre casero d’Asturies nel 2024.
Na so intervención desplico toles carauterístiques que se tienen de valorar pa prebar una sidre (collor, espalme, aguante, pegue, golor y saborgu), y prebáronse estrames sidres de los propios llagareros pa deteutar los fallos más carauterísticos, desplicándose por qué se producen y como puen iguase.
Tratóse d’un cursu enforma práuticu, nel que José Llera destacó’l tradicional reflán asturianu ‘la sidre quie agua’ nel sen de la llimpieza que desixe la so ellaboración, nes races qu’hai qu’emplegar y na comeniencia d’anotar tolos pasos que da’l llagareru, pa saber que sal bien y que sal mal.
Iniciatives como la de l’Asociación de Sidre Casero de Salas son fundamentales pa siguir meyorando la calidá de la sidre casero, cuya evolución nos postreros años vien siendo esponencial, tanto no que cinca a calidá como a reconocimientu social y profesional.
