Inicio > Cultura sidrera > Deprender a echar sidre, diploma… y concursu

Deprender a echar sidre, diploma… y concursu

lasidra Cultura sidrera, Echaores
Esti xueves 26 de xunu, el taller qu’entama mensualmente’l  Clú de LA SIDRA na sidrería La Montera Picona de Ramón, vien con novedaes, y ye qu’apurriráse un diploma a los asistentes, y formaráse un equipu pa participar nel Concursu d’Echaores de la Fiesta de la Sidre de Xixón.
LA SIDRA.- Les persones escoyíes pa formar esti equipu d’echaores, recibirán formación estra demientres el branu, pa llegar en condiciones al mencionáu concursu d’echaores, y pa ello cuntarán con profesionales como Wilkin Aquiles, Campión d’Asturies 2023 y les espertes echaores Alejandra Vanegas y Laura Ovín.
Per otru llau, a lo meyor yá sabes y lo que quies ye perfeicionar l’estilu, conocer más de la hestoria, la téunica, como ye la puntuación nos concursos… o cenciellamente pasalo bien con otres presones amantes de la sidre y la so cultura.El taller contempla trés niveles, en función del grau de conocimientu de los participantes: Aniciu / Mediu /Altu. Tien calter mensual, y en principiu rialízase siempres el últimu o’l penúltimu xueves de ca mes, na mencionada sidrería.El cursu entamará a les 20:00 h. y durará fasta les 21:30 hores. Eso sí, recordai que les places son llimitaes y acuparanse per rigurosu orde d’iscripción.

El preciu d’esti cursín ye de 10 € (5 € pa miembros del Clú de LA SIDRA) por presona

L’ingresu hai que facelu poniendo’l nome del participante y el conceutu ‘Taller d’Echar Sidre”’ nel númberu cuenta de la Fundación Asturies XXI:  

ES 09  0081  5157  600001228623

P’apuntase y más información:

  • LA SIDRA
    • T/ Whatsapp: 652 594 983
    • Corréu lletrónicu: adlasidra@gmail.com

Entama:

  • Clú de LA SIDRA / Fundación Asturies XXI

Sofita:

  • Sidrería La Montera Picona de Ramón
  • FMCEYUP del Ayuntamientu Xixón

Collabora:

  • Sidra Menéndez
  • Asociación de Escanciadores

VER SEMEYES DEL POSTRER TALLER

 

Pa recibir el PDF de la revista fai falta tar dáu/da d’alta nel whatsapp de LA SIDRA

(Visited 3.150.708 times)
lasidra
https://www.lasidra.net

Artículos relacionados

Taller d’echar sidre

Val de Boides gana l’Eloxu d’Oru

A concursu’l cartelu de la Sidre Casero de Piloña