La Sidrería La Montera Picona de Xixón foi la gran protagonista sidrera de los Premios OTEA 2025, nuna gala que cellebró a tol conxuntu de la hostelería asturiana pero onde la sidre tuvo un papel especialmente visible. L’establecimientu, dirixíu por Emilio Rubio y Alejandra Vanegas, foi premiáu col gallardón Compromisu cola Tradición Asturiana, destacando la so función esencial na defensa del ritual del escanciáu, la cultura sidrera y la identidá gastronómica d’Asturies.
Anque la gala incluyó premiados de dafechu otros ámbitos, La Montera Picona actuó como columna vertebral del mundiu sidreru nel actu, recordando que les sidreríes non solo alimenten l’hostelería, sinón tamién el turismu y el paisaxe cultural del país. El Grupu El Gaitero, reconocíu como Embaxador del Sector Turísticu Asturianu, reforzó esti mensaxe d’orgullu sidreru.
Amás, OTEA otorgó una mención destacada a la Sidrería La Noceda, n’Uviéu, otra referencia imprescindible pa entender la vitalidá del sector. La presencia conjunta de La Montera Picona y La Noceda na ceremonia amuesa que la sidra sigue siendo un poderosu motor hosteleru, que precisa tantu reconocencia pública como sofitu real pa asegurar el so futuru.
Asina mesmo Víctor Fernández Álvarez (Sidrería Chaflán, Xixón) tamién foi distinguí col Premiu Espíritu Hostelería en reconocencia a la so actividad al frente d’esta emblemática sidrería xixonesa.
