Anque yá participara na edición anterior, esti añu’l númberu llagares participantes medró de forma considerable.
LA SIDRA.- Nesta edición del XIII Salón Internacional de les Sidres de Gala, ta confirmada la participación de distintos llagares de la islla de Madeira, como Basicos & Coisas, Romano, o Casa do Caramanchão, tando previstu que demientres la xornada de tastia abierta al públicu rialicen una tastia guiada d’estes sidres.
La sidre de Madeira cunta con una llarga tradición, y nos tiempos caberos ta evolucionando de forma significativo y apostando por nuevos nichos de consumu y pola so internacionalización, convocándose en Madeira esti añu’l Ier Concursu de Sidre Internacional.
De nueu’l SISGA va ufiertar la posibilidá de conocer de primer man non solo unes sidres distintes a les avezaes, sinón poder tratar direutamente colos sos productores. Na anterior edición –XII SISGA- estes sidres yá sosprendieron pola so acuridiada ellaboración y bon resultáu final, llamando l’atención pola so semeyancia cola sidre asturiano, y un discretu toque ‘tropical’ que les fai bien especiales.
