El Rubiel a la forna de la Sidrería La Vieja Rula ye un homenaxe a la cocina marinera ensin antroxos. El platu aporta a la mesa arrecendosu y con presencia potente: el pexe, asáu nel puntu xustu, lluz una piel llixeramente dorada que protexe una carne firme y melosa, cargada d’esi saborgor salín que fala de la mar.
Acompánguenlu, cencielles, les patates rustidines, empapaes nos xugos del pexe y na dolzura turriada de la cebolla, aportando equilibriu a la intensidá marina del asáu. Les rodaxes de llimón, finamente cortaes, reparten el pexe apurriendo una pincelada cítrica necesaria que refresca, perfuma y venceya ca bocáu con un contraste llixeru que da vida al conxuntu.
D’encamentar dafechu pa los amantes del pexe al fornu, del saborgor caseru y de los saborgos puros ya intensos.
Pa poner el ramu, nun pueden faltar unes botelles de sidre, que nesti casu van ser del Llagar Herminio.
SIDRERÍA LA VIEJA RULA – Avda. Conde Guadalhorce 2 – Avilés T.985 50 58 22
