La Denominación d’Orixe Protexida Sidre d’Asturies yá tien a los integrantes del so primer club de “Influencers de Chigre”, una iniciativa nueva cola que’l Conseyu Regulador busca promocionar la cultura sidrera dende perfiles “auténticos” y venceyaos al territoriu.
LA SIDRA.- La campaña nació como un casting abiertu en redes sociales pa escoyer persones capaces de representar la sidre dende la cercanía, el paisaxe, la gastronomía y la vida cotidiana d’Asturies. Tres el procesu de selección, nel que se combinaron valoraciones internes y participación nes redes, escoyéronse once perfiles que van formar parte del programa mientres el próximu añu.
Los perfiles escoyíos son:
- @unapatatinapalkilo
- @albamoro_
- @vick.blanchh
- @rocyroblesalvarez
- @renecastapam
- @sidrasporelmundo
- @rincones.del.norte
- @asturiasparaisosingluten
- @taca.yacomer
- @k.spb
- @celiapeque
Dende la DOP señalaron que la idega parte d’una filosofía clara: “Nun buscamos siguidores, buscamos verdá. Persones como la sidra, auténticos”.
A lo llargo del próximu añu, los participantes van tomar parte en eventos, esperiencies, actividaes y acciones formatives rellacionaes col universu sidreru. L’oxetivu ye que funcionen como embaxadores naturales de la sidra con denominación d’orixe y ayuden a esparder la importancia de consumir sidra fecha con mazana cien por cien asturiana.
La iniciativa busca tamién averar la cultura sidrera a les nueves xeneraciones y reforzar el valor cultural, social y económicu del sector sidreru asturianu. El Conseyu Regulador destaca que se trata d’un relatu “contáu dende llugares reales, con persones reales y dende escenarios onde la sidra nun se promociona: vívese”.
Col programa “Influencers de Chigre”, la DOP Sidra d’Asturies abre una nueva etapa na so comunicación, apostando pola cercanía, la identidá y el sentimientu de pertenencia como ferramientes pa poner en valor la cultura de la sidre.
