La Botella ye ún de los chigres con más tradición n’Avilés, con una hestoria venceyada a la mar y a la hostelería familiar. El negociu ñació frente a la rula, nun entornu onde’l día ente día del puertu marcaba’l ritmu de les conversaciones y de la vida social del chigre
LA SIDRA.- Nos sos entamos, el llocal llamábase Casa Manolo, pero’l nome que perduró nació del usu popular. Na fachada había un anunciu d’azulexos d’Anís del Mono, y la xente quedaba nel bar “onde la botella”. Col pasu’l tiempu, el nomatu impúnxose de manera natural Fasta convertise nel nome oficial que güei identifica al chigre: La Botella.
La familia de Pablo Fernández, actual propietariu, lleva alredior de 50 años al frente del negociu. Esa trayeutoria familiar esplica la continuidá d’un modelu d’hostelería basáu nel tratu cercanu, la confianza na barra y’l respetu poles tradiciones chigreres.
Pablo Fernández y la so familia vivieron enriba’l chigre na so infancia, mentantu los sos pás trabayaben abaxo: la so ma na cocina y el so pá na barra. Pablo y el so hermanu medraron zucando’l trasiegu diariu del llocal, un aprendizaxe vital que nun precisó d’esplicaciones porque yera’l so propiu entornu.
Aquella vivienda superior tresformóse más tarde en comedor, un pasu importante na evolución del chigre como casa comides. Con Pablo al mandu, el negociu amplióse inda más, fasta ocupar dos edificios, pero ensin perder la sencia que lu definía dende’l principiu.
La Botella caltién una propuesta gastronómica especializada en pexe y mariscu frescu, con un repartu de productu que llega dende La Rula, apostando pol productu local y cocina casera. Nel chigre, la sidre sírvese bien echada, como parte esencial de la identidá de la casa y del ritual social de la barra.
Güei, La Botella sigue formando parte del baltíu diariu n’Avilés, como un chigre imprescindible p’atalantar la tradición gastronómica de la villa. Medio sieglu dempués, la so barra sigue siendo un espaciu d’alcuentru onde la mar, la sidre y’l tratu humano siguen marcando la diferencia.
