Impartiráse’l miércoles 25 de xunu, con places llimitaes y siguiendo rigurosu orde d’inscripción.
LA SIDRA.- Tal como s’anunció dempués de rematar el cursu básico de sumilleres de sidre, la Escuela de Sumillería de la Sidre convoca’l primer taller d’especialización en sumillería de la sidre, que va cellebrase’l miércoles 25 de xunu nel horariu de 18 a 21 hores nes instalaciones de Finca El Duque, cola programación que vien darréu:
18:00 a 18:20 h. Dr. Marcos Abel Fernández: «La sidre como alimentu»
18:20 a 20:20 h. Juan Luis García, colos oxetivos siguientes:
- Llograr la capacidá pa estremar en disoluciones en agua los 4 saborgos básicos (dulce, amargosu, ácidu y saláu).
- Llograr la capacidá pa estremar, na sidre natural, el dulce, ácidu y amargosu.
- Llograr la capacidá pa identificar les sensaciones d’astrinxencia y acéticu na fase gustativa.
- Identificar defeutos na sidre natural.
- Complimentar y cuantificar nes fiches de tastia los estímulos recibios, aplicando les normes de puntuación establecíes.
20:30 a 21:00 h. Faustino Vázquez, del llagar Panizales, va impartir una cata guiada de la so sidre «Olivia». Sidre de xelu y fueu.
El númberu places pa esti taller ye namás de 10 persones, abriéndose’l plazu d’inscripción el 1 de xunu pa los sumilleres de sidre titulaos, y el 5 de xunu pal restu de interesaos.
El preciu ye de 30 € en conceutu de donación*, y l’ingresu tendrá que facese efeutivu una vegada confirmada l’aceptación de la solicitú d’inscripción na cuenta de la Fundación Asturies XXI:
ES 09 0081 5157 600001228623
Amestando nome y conceutu «Taller Sumillería»
Más información
T. / Whats 652 594 983
e-mail: adlasidra@gmail.com
*Deducción d’un 80% na Cuota Íntegra del IRPF
