La basílica de San Xuan el Real, n’Uviéu, acoyó una solemne y emotiva misa d’aición de gracies con motivu del 80 cumpleaños del arzobiespu eméritu Jesús Sánz. La eucaristía congregó a fieles, miembros del cleru, representatives d’instituciones y persones allegaes al preláu, nuna cellebración marcada pola gratitú, el recoyimientu y l’afectu a una de les figures más relevantes de la Ilesia n’Asturies nes postreres décades.
LA SIDRA.- Al rematar la misa, la celebración continuó nun tonu bien distintu: la comunidá parroquial y diocesana entamó una espicha fraterna nos espacios anesos a la basílica. Un alcuentru popular y distendíu que sirvió pa compartir conversación, rises y tradición asturiana.
Les meses enllenáronse de productos típicos: empanaes, quesu, embutíos, tortielles y postres caseros. Y, como manda la costume, nun faltó la sidre, que s’echó siguiendo’l ritual asturianu, convirtiéndose nel centru simbólicu de la confraternidá. Los culinos y los brindis espublizaron un ambiente d’hermandá, onde la fe y la tradición caminaron xuntes.
Jesús Sánz, visiblemente emocionáu, quinxo participar na espicha saludando y compartiendo pallabres d’agradecimientu coles persones asistentes. L’actu dexó imaxes y momentos d’especial cercanía, que reflexaron el calter d’una cellebración popular, comunitaria y abierta, puramente a l’asturiana.
Porque n’Asturies les grandes cellebraciones nun s’entienden ensin sidre.
