La Universidá d’Uviéu actualiza’l costu real de producción: 0,57 €/kg frente a un mercáu que pagó como másimu 0,44 € pola mazana con DOP y 0,35 € pola que nun tien sellu. La rentabilidá, güei, ye imposible.
LA SIDRA.- La rentabilidá de les pumaraes de mazana de sidre n’Asturies tornó a ser protagonista nel númberu d’Avientu de LA SIDRA. Los pumareros lleven décades denunciando que’l preciu por kilu —magar l’aumentu d’unos 8 céntimos nes postreres campañes— malpenes cubre los gastos, lo que ta acelerando’l desdexamientu de finques y la falta de relevu xeneracional.
Pa verificar estos avisos, la Universidá d’Uviéu, al traviés del Oviedo Efficiency Group, replicó’l mesmu procedimientu usáu nel informe de 2022, cuando’l costu mediu fixóse en 0,44 €/kg. El nuevu estudiu, fechu públicu en payares de 2025, conclúi que’l costu total unitaru promediu ye de 0,57 €/kg, lo que supón un incrementu del 28% respecto al cálculu anterior.
Precios de compra na campaña 2025
- 0,44 €/kg pola mazana acoyida a la DOP Sidra d’Asturies
- 0,35 €/kg pola mazana ensin denominación
Los dos valores queden bien per debaxo del costu real de producción, lo que’l propiu informe califica como una compra “como mínimu allegal”, por chocar cola reforma del Real Decretu-Llei 5/2020, Llei de la Cadena Alimentaria, que prohibe la venta a pérdides y obliga a pagar, al menos, el costu efectivu de producción nes operaciones de compraventa de productu agrariu.
Sostenibilidá en riesgu
Los autores recalquen que la sostenibilidá del sector de la sidre nun ye solo medioambiental: ye económica y social, y pasa por xenerar valor y repartilu con xusticia ente tolos axentes implicaos —dende’l pumareru fasta’l llagar y el chigre— pa garantizar una rentabilidá afayadiza pa toos.
Consecuencies del problema
La falta d’un preciu dignu ta provocando:
- Avieyamientutu del sector
- Desdexamientu de pumares productivos
- Escasu interés de la mocedá por incorporase al cultivu
- Dependencia de mazana importada
- Perda de paisaxe cultural y diversidá varietal autóctona
El futuru de la sidre escomienz na tierra
Luis Benito García, direutor de la Cátedra de la Sidre, resumió la clave del debate con un mensaxe que güei ye más estratéxicu que nunca:
“Cuanta más sidre se faiga con manzana d’Asturies, meyor pa toos.”
ENTRUGUES MÁS AVEZAES
❓ FAQ — Coste de producción de la mazana de sidre n’Asturies
1. ¿Cuál ye’l costu actual de producción de la mazana de sidre n’Asturies?
Según l’estudiu actualizáu en 2025 pola Universidad d’Uviéu, el costu mediu real de producción ye de 0,57 €/kg, una cifra que supera los precios de compra del mercáu actual.
2. ¿A qué preciu se pagó la mazana de sidre na campaña 2025?
El preciu máximu de compra foi de 0,44 €/kg pa la mazana acoyida a la DOP Sidra d’Asturies y de 0,35 €/kg pa la mazana que se comercializó ensin denominación d’orixe.
3. ¿Ye rentable producir mazana de sidre n’Asturies colos precios d’anguañu?
Non. Los precios de compra nun cubren el costu de producción de la mazana de sidre n’Asturies, lo que fai imposible la rentabilidá del cultivu tradicional y favorez el desdexamientu de pumaraes productives.
4. ¿Ye llegal mercar mazana de sidre per debaxo del costu de producción?
La Llei de la Cadena Alimentaria (Real Decretu-Llei 5/2020) prohibe la venta a pérdides y obliga a que’l preciu cubra, como mínimu, los costes efeutivos del productor agrariu. Les operaciones de compra nesta campaña, per debaxo de 0,57 €/kg, entren en conflictu cola llegalidá vixente.
5. ¿Por qué ye importante ellaborar sidre con mazana d’Asturies?
Porque garantiza calidá del productu, caltién el paisaxe cultural de pumarada, protexe les races autóctones y enfortia la economía rural. Como se resume nel mensaxe clave del sector: “Cuanta más sidra se faiga con mazana de sidre 100% d’Asturies, meyor pa toos.”
6. ¿Qué factores inflúin más nel aumentu del costu de producción de la mazana de sidre?
L’informe recoyó xubíes medies superiores al 20% nos insumos y fasta’l 26,7% na mano d’obra subcontratada (cooperatives y cuadrilles), lo que provocó un aumentu xeneral del 28% nel costu unitaru dende 2022.
7. ¿Qué consecuencies tien esti desaxuste de precios pal futuru del sector pumareru?
Ta provocando:
-
Avieyamientu del sector
-
Desdexamientu de pumares en producción
-
Falta de relevu xeneracional
-
Escasu interés de la mocedá pol cultivu
-
Dependencia xorreciente de mazana importada
-
Perda de diversidá varietal y del paisaxe sidreru tradicional
8. ¿La DOP Sidre d’Asturies garantiza un preciu xustu pa la mazana?
Non necesariamente. Magar tener un preciu mayor que la mazana ensin sellu, el pagu de 0,44 €/kg sigue ensin cubrir el costu mediu real de producción (0,57 €/kg), polo que nun asegura rentabilidá pa los pumareros.
9. ¿Importar mazana d’otres zones resuelve’l problema de rentabilidá del cultivu n’Asturies?
Non. La importación ye un recursu complementariu, pero nun soluciona’l problema estructural del coste de producción de la mazana de sidre n’Asturies, nin evita la dependencia del esterior a llargu plazu.
10. ¿Qué meyores reclama’l sector pa recuperar la viabilidá de les pumaraes?
Les demandes más repitíes son:
-
Polítiques d’incentivu eficaces y direutes al cultivu
-
Pagos por kilu que cubran los costes reales
-
Sofitu a la profesionalización y llantación
-
Midíes que favorezan el relevu xeneracional
-
Un repartu más xustu del valor na cadena sidrera
