Maratón na Sidrería El Requexu

L’esportista asturianu Hector Moro cubrirá una maratón ensin salir de la Sidrería el Requexu, dientru’l proyeutu “Maratones escontra’l cáncanu”.

LA SIDRA.- L’oxetivu del esportista llavianés ye completar una maratón -42.195 Km- en menos de 3 hores sobro una cincha de correr que s’istalará’l domingu 19 febreru na sidrería xixonesa El Requexu. El retu enártase dientru’l proyeutu “Maratones escontra’l cáncanu” col qu’Hector Moro pretende recaldar esti añu 3.000 euros a beneficiu de l’Asociación Galbán de families con neños con cáncanu d’Asturies.

Amás de la Sidrería El Requexu tamién sofiten esta iniciativa Sidra Trabanco, Body Fit Club Rítmica Adagio y les estaciones de serviciu Avia. N’El Requexu, arriendes de facilita-y l’espaciu, tienen previsto asitiar buchaques y vender camisetes pa recaldar fondos. “Habrá música en direutu y pretendemos que s’avere muncha xente a da-y ánimu a Hector. La causa merezlo”, siñalen dende la sidrería