La entrevista a Balbina Agüera, pumarera d’Agüera de Carriles (Tinéu), forma parte del llibru Pumareres. Muyeres del pumar, una espublización que recueye testimonios de muyeres pumareres d’Asturies y pon en valor el so papel na cultura de la sidre y nel curiáudel territoriu.
Nel so testimoniu, Balbina esplica cómo, tres xubilarse, decidió dar vida nueva a les finques familiares apostando pola plantación de pumares xunto col so home. Dende entós xestionen una hectária de terrén, con racestradicionales, producción modesta y una manera de trabayar basada nel esfuerciu propiu y nel aprendizaxe continuu.
Pumareres. Muyeres del pumar xunta histories como la so, visibilizando’l trabayu de les muyeres nel pumar y la so contribución a caltener viva la cultura sidrera asturiana dende les finques y la esperiencia cotidiana.
El llibru pon l’acentu non solo na producción de mazana, sinón tamién nel vínculu emocional col pumar, nel cuidu del día ente día día y na rellación col tiempu y los ciclos naturales. Nes entrevistes apaez la pumarada como espaciu de trabayu, pero tamién como llugar de memoria y continuidá.
Nel casu de Balbina, destaquen la importancia de nun dexar les finques abandonaes y la satisfacción personal que supón ver los árboles medrar, floriar y dar mazana. La so voz representa a munches muyeres que, ensin protagonismu mediáticu, sostienen una parte esencial de la cultura sidrera.
Con estes entrevistes, Pumareres. Muyeres del pumar contribúi a visibilizar un saber tradicional que se tresmite dende la práutica y la esperiencia, enfortiando la idega de que la sidre escomienza nel pumar y nes persones que lu cuiden, día tres día.
